Hum se Abdullah bin Yusuf ne byaan kiya , unhon ne kaha ke hamein Imam Malik ne Nafi se khabar di ke Abdullah bin Umar razi Allahu anhuma ne ek thandi aur barsaat ki raat mein azaan di , phir yun pukaar kar keh diya «Ala sallu fir rihaal» ke lo! apni qayaam gahon par hi namaaz parh lo . Phir farmaya ke Nabi Karim salla Allahu alaihi wasallam sardi w barish ki raaton mein moazzin ko hukm dete thay ke woh elaan kar de ke log apni qayaam gahon par hi namaaz parh lo .