Aur Mansoor bin Nu-man ne Ikrimah se bayan kiya aur in se Ibn Abbas razi Allahu anhuma ne ke «haramun» Habshi zaban ka lafz hai is ke maani zaroor aur wajib ke hain .

Mujh se Mahmood bin Ghailan ne bayan kiya , kaha hum se Abd-ul-Razzaq ne bayan kiya , kaha hum ko Mamar ne khabar di , unhein Ibn Taoos ne , unhein un ke walid ne aur in se Ibn Abbas razi Allahu anhuma ne bayan kiya ke yeh jo «lamam» ka lafz Quran mein aaya hai to main «lamam» ke mushaba is baat se zyada koi baat nahi jaanta jo Abu Hurairah razi Allahu anhu ne Nabi Karim salla Allahu alaihi wasallam se bayan ki hai ke Allah Ta'ala ne insan ke liye zina ka koi na koi hissa likh diya hai jis se usay lamuhala guzarna hai , pas aankh ka zina (ghair-muhram ko) dekhna hai , zaban ka zina ghair-muhram se guftagu karna hai , دل ka zina khwahish aur shahwat hai aur sharmgah is ki tasdeeq kar deti hai ya usay jhutla deti hai . Aur Shababa ne bayan kiya ke hamase Warqa ne bayan kiya , in se Ibn Taoos ne , in se in ke walid ne , in se Abu Hurairah razi Allahu anhu ne , unhon ne Nabi Karim salla Allahu alaihi wasallam se phir is hadees ko naqal kiya .