Hum se Humaydi ne bayan kiya , kaha hum se Sufyan bin Uyaynah ne bayan kiya , in se Amr bin Dinar ne bayan kiya , in se Ikrimah ne aur in se Ibn Abbas razi Allahu anhuma ne aayat «wa maa ja-alnar-ru'yal-latee arainaka illaa fitnatal-lin-naasi» ”aur woh rouya jo hum ne tumhein dikhaya hai usay hum ne sirf logon ke liye aazmaish banaya hai .“ ke mutalliq kaha ke is se murad aankh ka dekhna hai jo Rasool Allah salla Allahu alaihi wasallam ko is Meraj ki raat dikhaya gaya tha . Jab Aap ko Bait-ul-Muqaddas tak raat ko le jaya gaya tha , kaha ke Quran Majeed mein «ash-shajarat-ul-mal-oonatu» se murad «zaqqoom» ka darakht hai .