Hum se Humaydi ne bayan kiya, kaha hum se Sufyan ne bayan kiya, in se Ibn Taoos ne, in se un ke walid ne aur in se Ibn Abbas razi Allahu anhuma ne bayan kiya ke Abu Hurairah razi Allahu anhu ki hadees se zyada sagheera gunahon se mushaba main ne aur koi cheez nahi dekhi. (Abu Hurairah razi Allahu anhu ne jo baatein bayan ki hain woh murad hain). Mujh se Mahmood ne bayan kiya, kaha hum se Abd-ur-Razzaq ne khabar di, kaha hum ko Mamar ne khabar di, unhein Ibn Taoos ne, unhein un ke walid ne aur in se Ibn Abbas razi Allahu anhuma ne ke main ne koi cheez sagheera gunahon se mushaba is hadees ke muqablay mein nahi dekhi jise Abu Hurairah razi Allahu anhu ne Nabi Karim salla Allahu alaihi wasallam se naqal kiya hai ke Allah Ta'ala ne insaanon ke muamla mein zina mein se is ka hissa likh diya hai jis se woh lamuhala do-char ho ga pas aankh ka zina dekhna hai, zaban ka zina bolna hai, dil ka zina yeh hai ke woh khwahish aur aarzoo karta hai phir sharmgah is khwahish ko sacha karti hai ya jhuta deti hai.