Hum se Amr bin Khalid ne bayan kiya , kaha hum se Layth ne bayan kiya , in se Yazid ne , in se Abu al-Khair Marsad bin Abdullah ne aur in se Uqbah bin Aamir razi Allahu anhu ne ke Nabi Karim salla Allahu alaihi wasallam bahar tashreef laaye aur Shuhada e Uhud ke liye is tarah دعا کی jis tarah may-yit ke liye janaza mein دعا کی jaati hai . Phir Aap salla Allahu alaihi wasallam mimbar par tashreef laaye aur farmaya ”logo! Main tum se aage jaoon ga aur tum par gawah rahoon ga aur main wallah apne hauz ki taraf is waqt bhi dekha raha hoon aur mujhe zameen ke khazanon ki kunjiyan di gayi hain ya farmaya ke zameen ki kunjiyan di gayi hain . Allah ki qasam! Main tumhare baare mein is baat se nahi darta ke tum mere baad shirk karo ge , albatta is se darta hoon ke tum duniya ke laalach mein parh kar ek doosre se hasad karne lago ge .