Hum se Malik bin Ismail ne bayan kiya , kaha hum se Zubayr bin Muawiyah ne bayan kiya , kaha hum se Humayd ne bayan kiya , in se Anas razi Allahu anhu ne ke Nabi Karim salla Allahu alaihi wasallam ki ek oontni thi (doosri sanad) Imam Bukhari rahmahullah ne kaha aur mujh se Muhammad bin Salam ne bayan kiya , kaha hum ko Fazari ne aur Abu Khalid Ahmar ne khabar di , unhein Humayd Taweel ne aur in se Anas razi Allahu anhu ne bayan kiya ke Rasool Allah salla Allahu alaihi wasallam ki ek oontni ku jis ka naam Azhbaa tha (koi janwar daur mein) is se aage nahi barh paata tha . Phir ek aarabi apne oont par sawar ho kar aaya aur woh Nabi Karim salla Allahu alaihi wasallam ki oontni se aage barh gaya . Musalmanon par yeh muamla bara shaaq guzra aur kehne lage ke afsos Azhbaa peeche reh gayi . Nabi Karim salla Allahu alaihi wasallam ne is par farmaya ke Allah Ta'ala ne apne oopar yeh lazim kar liya hai ke jab duniya mein woh kisi cheez ko barhata hai to usay woh ghata-ta bhi hai .