Hum se Malik Bin Ismail ne bayan kiya, kaha hum se Zuhair Bin Muawiyah ne bayan kiya, un se Humaid ne aur un se Anas Bin Malik (Radi Allahu Anhu) ne ke Nabi Kareem (Sallallahu Alaihi Wasallam) ki ek oontni thi jis ka naam Azba tha. Koi oontni is se aage nahi barhti thi ya Humaid ne yun kaha wo peeche reh jaane ke qareeb na hoti phir ek dehati ek naujawan ek qawi oont par sawar ho kar aaya aur Aap (Sallallahu Alaihi Wasallam) ki oontni se un ka oont aage nikal gaya. Musalmanon par ye bara shaq guzra lekin jab Nabi Kareem (Sallallahu Alaihi Wasallam) ko is ka ilm hua to Aap (Sallallahu Alaihi Wasallam) ne farmaya ke Allah Ta'ala bar-haqq hai ke duniya mein jo cheez bhi buland hoti hai (kabhi kabhi) use wo girata bhi hai. Musa ne Hammad se is ki riwayat toul ke sath ki hai, Hammad ne Sabit se, unhon ne Anas (Radi Allahu Anhu) se, unhon ne Nabi Kareem (Sallallahu Alaihi Wasallam) se
.