Rabee bin Khaisam tabi ne bayan kiya ke murad hai ke tamam insani mushkilat mein Allah par bharosa ikhtiyar kare .

Mujh se Ishaq ne bayan kiya , unhon ne kaha hum se Rauh bin Ubadah ne bayan kiya , unhon ne kaha hum se Shubah ne bayan kiya , unhon ne kaha ke main ne Haseen bin Abdullah se suna , unhon ne kaha ke main Saeed bin Jubayr ki khidmat mein baitha hua thu , unhon ne Ibn Abbas razi Allahu anhuma se bayan kiya ke Rasool Allah salla Allahu alaihi wasallam ne farmaya ”meri ummat ke sattar hazar log be-hisab jannat mein jayein ge . Yeh woh log hon ge jo jhaarh phoonk nahi karate na shugoon laite hain aur apne Rabb hi par bharosa rakhte hain .“