Hum se Khallad bin Yahya ne bayan kiya , kaha hum se Mis-ar bin Kidam ne bayan kiya , kaha hum se Ziyad bin Ilaqa ne bayan kiya , kaha ke main ne Mugheera bin Shubah razi Allahu anhu se suna , unhon ne bayan kiya ke Nabi Karim salla Allahu alaihi wasallam itni namaz parhte ke Aap ke qadmon mein waram aa jata ya kaha ke Aap ke qadam phool jaate . Nabi Karim salla Allahu alaihi wasallam se arz ki jaati ke Aap to bakhshe huay hain . Nabi Karim salla Allahu alaihi wasallam farmate hain ke kiya main Allah ka shukr-guzar banda na banoon .