Hum se Abu al-Hasan Muhammad bin Muqatil ne bayan kiya , unhon ne kaha hum ko Abdullah bin Mubarak ne khabar di , unhon ne kaha hum ko Sulayman bin Tarkhan Taymi ne khabar di , unhein Abu Usman Nahdi ne aur in se Abu Musa Ash'ari razi Allahu anhu ne bayan kiya ke Rasool Allah salla Allahu alaihi wasallam ek ghati ya darre par charhne lage . Bayan kiya ke jab ek aur sahabi bhi is par charh gaye to unhon ne buland aawaz se «laa ilaaha illallaahu wallaahu akbar» kaha . Rawi ne bayan kiya ke is waqt Nabi Karim salla Allahu alaihi wasallam apne khachar par sawar thay . Nabi Karim salla Allahu alaihi wasallam ne farmaya ke tum log kisi behre ya ghaib ko nahi pukarte . Phir farmaya , Abu Musa ya to yun (farmaya) Ae Abdullah bin Qays! Kya main tumhein ek kalma na bata doon jo jannat ke khazanon mein se hai . Main ne arz kiya , zaroor irshad farmayein , farmaya ke «laa haula wa laa quwwata illaa billaah» .