Hum se Abdullah bin Muhammad ne bayan kiya, unhon ne kaha hum ko Abu Aamir ne khabar di, unhon ne kaha hum se Zuhayr ne bayan kiya, in se Zayd bin Aslam ne bayan kiya, in se Ata bin Yasar ne bayan kiya aur in se Abu Saeed Khudri razi Allahu anhu ne bayan kiya ke Nabi Karim salla Allahu alaihi wasallam ne farmaya ”raston par baithne se bacho! Sahabah ne arz kiya: ya Rasool اللہ! Hamari yeh majalis to bahut zaroori hain, hum wahien roz-marra guftagu kiya karte hain. Aap salla Allahu alaihi wasallam ne farmaya ke achha jab tum in majlison mein baithna hi chahte ho to raste ka haq ada kiya karo yani raste ko is ka haq do. Sahabah ne arz kiya: raste ka haq kiya hai ya Rasool اللہ! Farmaya (ghair muhram auraton ko dekhne se) nazar neechi rakhna, rah-geeron ko na satana, salam ka jawab dena, bhalayi ka hukm dena aur burayi se rokna.“