Hum se Amr bin Aasim ne bayan kiya , kaha hum se Humam bin Yahya ne bayan kiya , in se Qatadah ne aur in se Anas ne ke ek badwi Nabi Karim salla Allahu alaihi wasallam ki khidmat mein hazir hua aur poochha: ya Rasool Allah! Qayamat kab aaye gi ? Nabi Karim salla Allahu alaihi wasallam ne farmaya , afsos ”wailaka“ tum ne is Qayamat ke liye kya tayyari kar li hai ? Unhon ne arz kiya main ne is ke liye to koi tayyari nahi ki hai albatta main Allah aur is ke Rasool se mohabbat rakhta hoon . Nabi Karim salla Allahu alaihi wasallam ne farmaya ke phir tum Qayamat ke din in ke saath ho , jis se tum mohabbat rakhte ho . Hum ne arz kiya aur hamare saath bhi yahi muamla ho ga ? Farmaya ke haan . Hum is din bahut zyada khush huay , phir Mugheera ke ek ghulam wahan se guzre woh mere hum-umr thay . Nabi Karim salla Allahu alaihi wasallam ne farmaya ke agar yeh bacha zinda raha to is ke burhapa aane se pehle Qayamat qaim ho jaye gi .