Hum se Abdan ne bayan kiya , kaha hum ko hamare walid Usman Marwazi ne khabar di , unhein Shubah ne , unhein Amr bin Murrah ne , unhein Salim bin Abi al-Jad ne aur unhein Anas bin Malik razi Allahu anhu ne ke ek shakhs ne Nabi Karim salla Allahu alaihi wasallam se poochha: ya Rasool Allah! Qayamat kab qaim ho gi ? Nabi Karim salla Allahu alaihi wasallam ne daryaft farmaya ke tum ne is ke liye kya tayyari ki hai ? Unhon ne arz kiya ke main ne is ke liye bahut saari namazein , roze aur sadqe nahi tayyar kar rakkhe hain , lekin main Allah aur is ke Rasool se mohabbat rakhta hoon . Nabi Karim salla Allahu alaihi wasallam ne farmaya ke tum is ke saath ho jis se tum mohabbat rakhte ho .