Hum se Abdullah bin Abd-ul-Wahhab ne bayan kiya , unhon ne kaha hum se Khalid bin Haris ne bayan kiya , in se Shubah ne bayan kiya , in se Waqid bin Muhammad bin Zayd ne bayan kiya , unhon ne in ke walid se suna aur unhon ne Abdullah bin Umar razi Allahu anhuma ne bayan kiya ke Nabi Karim salla Allahu alaihi wasallam ne farmaya , afsos ( «wailakum» ya «waihakum») Shubah ne bayan kiya ke shak in ke shaykh (Waqid bin Muhammad ko) thu . Mere baad tum kafir na ho jaana ke ek doosre ki gardan maarne lago . Aur Nadr ne Shubah se bayan kiya «waihakum» aur Umar bin Muhammad ne apne walid se «wailakum» ya «waihakum» ke lafz naqal kiye hain .