Hum se Yahya bin Bukayr ne bayan kiya kaha hamase Layth bin Saad ne bayan , in se Aqeel ne , in se Ibn Shihab ne , in se Urwah ne aur in se Aisha razi Allahu anha ne bayan kiya ke Abu Qais ke bhai Aflah (mere raza'ee chacha ne) mujh se parda ka hukm nazil hone ke baad andar aane ki ijazat chahi , main ne kaha ke Allah ki qasam jab tak Nabi Karim salla Allahu alaihi wasallam ijazat na dein ge main andar aane ki ijazat nahi doon gi . Kyunke Abu Qais ke bhai ne mujhe doodh nahi pilaya balkay Abu Qais ki biwi ne doodh pilaya hai . Phir jab Rasool Allah salla Allahu alaihi wasallam tashreef laaye to main ne arz kiya: ya Rasool Allah! Mard ne to mujhe doodh nahi pilaya tha , doodh to in ki biwi ne pilaya thu , Nabi Karim salla Allahu alaihi wasallam ne farmaya ke unhein andar aane ki ijazat de do , kyunke woh tumhare chacha hain , tumhare hath mein matti lage . Urwah ne kaha ke isi wajah se Aisha razi Allahu anha kehti thien ke jitne rishte khoon ki wajah se haram hote hain woh raza'at se bhi haram hi samjho .