Hum se Saeed bin Abi Maryam ne bayan kiya, kaha hum se Abu Ghassan (Muhammad bin Mutarrif) ne bayan kiya ke kaha mujh se Abu Hazim ne bayan kiya, in se Sahl bin Saad razi Allahu anhu ne bayan kiya ke ek khatoon Nabi Karim salla Allahu alaihi wasallam ki khidmat mein ”burda“ le kar aayin phir Sahl ne maujood logon se kaha tumhein maloom hai, ke burda kiya cheez hai? Logon ne kaha ke burda shimla ko kehte hain. Sahl razi Allahu anhu ne kaha ke haan lungi jis mein hashiya bana hua hota hai to is khatoon ne arz kiya ke ya Rasool اللہ! Main yeh lungi Aap ke pehnne ke liye laayi hoon. Nabi Karim salla Allahu alaihi wasallam ne woh lungi un se qabool kar li. Is waqt Aap ko is ki zaroorat bhi ku phir Aap ne pehan liya. Sahabah mein se ek sahabi Abd-ur-Rahman bin Auf razi Allahu anhu ne Nabi Karim salla Allahu alaihi wasallam ke badan par woh lungi dekhi to arz kiya: ya Rasool اللہ! Yeh bari umdah lungi hai, Aap mujhe is ko inayat farma dijiye. Nabi Karim salla Allahu alaihi wasallam ne farmaya ke le lo, jab Nabi Karim salla Allahu alaihi wasallam wahan se uth kar tashreef le gaye to andar ja kar woh lungi badal kar teh kar ke Abd-ur-Rahman ko bhej di to logon ne in sahab ko malamat se kaha ke tum ne Nabi Karim salla Allahu alaihi wasallam se lungi maang kar achha nahi kiya, tum ne dekh liya thu ke Nabi Karim salla Allahu alaihi wasallam ne usay is tarah qabool kiya thu goya Aap ko is ki zaroorat ku. Is ke bawajood tum ne lungi Nabi Karim salla Allahu alaihi wasallam se maangi, haalan ke tumhein maloom hai ke Nabi Karim salla Allahu alaihi wasallam se jab bhi koi cheez maangi jati hai to Aap inkar nahi karte. Is sahabi ne arz kiya ke main to sirf is ki barkat ka umeedar hoon ke Nabi Karim salla Allahu alaihi wasallam usay pehan chuke thay meri gharaz yeh thi ke main is lungi mein kafan diya jaoon ga.