Hum se Musaddad ne bayan kiya, kaha hum se Yahya ne bayan kiya, in se Sufyan aur Shubah ne bayan kiya ke hamain se Habeeb ne bayan kiya (doosri sanad) Imam Bukhari rahmahullah ne kaha aur hum se Muhammad bin Kaseer ne bayan kiya, kaha hum ko Sufyan ne khabar di, unhein Habeeb ne, unhein Abu Abbas ne aur in se Abdullah bin Amr ne bayan kiya ke ek sahabi ne Nabi Karim salla Allahu alaihi wasallam se poochha kiya main bhi jihad mein shareek ho jaoon? Nabi Karim salla Allahu alaihi wasallam ne daryaft farmaya ke tumhare maan baap maujood hain unhon ne kaha ke ji haan maujood hain. Nabi Karim salla Allahu alaihi wasallam ne farmaya ke phir unhi mein jihad karo.