Hum se Yahya bin Bukair ne bayan kiya , unhon ne kaha humein Layth ne khabar di , unhon ne Aqeel bin Khalid se , unhon ne Ibn Shihab se , unhon ne kaha ke mujhe Urwah bin Zubair raziyallahu anhu ne khabar di ke Umm ul Momineen Aisha raziyallahu anha ne unhein khabar di ke musalman auraten Rasool Allah salla Allahu alaihi wa sallam ke sath namaz fajr parhne chadron mein lipt kar aati thin . Phir namaz se farigh ho kar jab apne gharon ko wapas hoti to unhein andhere ki wajah se koi shakhs pehchan nahi sakta tha .