Hum se Amr bin Aasim ne yeh hadees bayan ki , kaha hum se Hammam ne yeh hadees bayan ki Qatada se , unhon ne Anas raziyallahu anhu se ke Zaid bin Thabit raziyallahu anhu ne un se bayan kiya ke un logon ne ek martaba Nabi Karim salla Allahu alaihi wa sallam ke sath sehri khayi , phir namaz ke liye khare ho gaye . Mein ne darayaf kiya ke un dono ke darmiyan kis qadar fasla raha ho ga . Farmaya ke jitna pachaas ya saath ayat parhne mein sirf hota hai itna fasla tha .

Hum se Hasan bin Sabah ne yeh hadees bayan ki , unhon ne Rooh bin Ubada se suna , unhon ne kaha hum se Saeed ne bayan kiya , unhon ne Qatada se riwayat kiya , unhon ne Anas bin Malik raziyallahu anhu se ke Nabi Karim salla Allahu alaihi wa sallam aur Zaid bin Thabit raziyallahu anhu ne sehri khayi , phir jab woh sehri kha kar farigh hue to namaz ke liye uthe aur namaz parhi . Hum ne Anas raziyallahu anhu se poocha ke aap ki sehri se faraghat aur namaz ki ibtida mein kitna fasla tha ? Unhon ne farmaya ke itna ke ek shakhs pachaas ayaten parh sake .

Hum se Ismail bin Abi Uwais ne bayan kiya apne bhai Abdul Hameed bin Abi Uwais se , unhon ne Sulaiman bin Bilal se , unhon ne Abi Hazim Salama bin Dinar se ke unhon ne Sahl bin Saad raziyallahu anhu sahaba se suna , aap ne farmaya ke mein apne ghar sehri khata , phir Nabi Karim salla Allahu alaihi wa sallam ke sath namaz fajr pane ke liye mujhe jaldi karni parti thi .

Hum se Yahya bin Bukair ne bayan kiya , unhon ne kaha humein Layth ne khabar di , unhon ne Aqeel bin Khalid se , unhon ne Ibn Shihab se , unhon ne kaha ke mujhe Urwah bin Zubair raziyallahu anhu ne khabar di ke Umm ul Momineen Aisha raziyallahu anha ne unhein khabar di ke musalman auraten Rasool Allah salla Allahu alaihi wa sallam ke sath namaz fajr parhne chadron mein lipt kar aati thin . Phir namaz se farigh ho kar jab apne gharon ko wapas hoti to unhein andhere ki wajah se koi shakhs pehchan nahi sakta tha .