Hum se Muhammad bin Bashar ne bayan kiya, kaha hum se Muhammad bin Jafar ne bayan kiya, in se Shubah ne bayan kiya, in se Qatadah ne, in se Abu al-Mutawakkil ne aur in se Abu Saeed razi Allahu anhu ne ke ek sahab Rasool Allah salla Allahu alaihi wasallam ki khidmat mein hazir huay aur arz kiya ke mere bhai ko dast aa rahe hain Nabi Karim salla Allahu alaihi wasallam ne farmaya ke unhein shehad pilao. Unhon ne pilaya aur phir wapas aa kar kaha ke main ne unhein shehad pilaya lekin in ke daston mein koi kami nahi hui. Aap salla Allahu alaihi wasallam ne is par farmaya ke Allah Ta'ala ne sach farmaya aur tumhare bhai ka pait jhoota hai (aakhir shehad hi se usay shifa hui). Muhammad bin Jafar ke saath is hadees ko Nadr bin Shumayl ne bhi Shubah se riwayat kiya hai.