Hum se Abdan ne bayan kiya, kaha hum se Abdullah bin Mubarak ne khabar di, kaha hum ko Yunus ne khabar di, in se Zuhri ne bayan kiya aur unhein Anas bin Malik razi Allahu anhu ne khabar di ke unhon ne Rasool Allah salla Allahu alaihi wasallam ko doodh peete dekha aur Nabi Karim salla Allahu alaihi wasallam in ke ghar tashreef laye thay (bayan kiya ke) main ne bakri ka doodh nikala aur is mein kunwien ka taza pani mila kar (Nabi Karim salla Allahu alaihi wasallam ko) pesh kiya Aap ne piyala le kar piya. Aap ke bayein taraf Abu Bakr razi Allahu anhu thay aur dayein taraf ek Aarabi tha Aap ne apna baqi doodh Aarabi ko diya aur farmaya ke pehle dayein taraf se, haan dayein taraf wale ka haq hai.