Hum se Amr bin Zurarah ne byaan kiya , kaha hum ko Ismail ne khabar di , unhein Ayub ne , in se Saeed bin Jubayr ne byaan kiya ke main ne Ibn Abbas razi Allahu anhuma se aise shakhs ka hukm poocha jis ne apni biwi par tohmat lagayi ho to unhon ne kaha ke Nabi Karim salla Allahu alaihi wasallam ne Bani Ajlan ke miyan biwi ke darmiyan aaisi surat mein judayi kara di thi aur farmaya tha ke Allah khoob jaanta hai ke tum mein se ek jhoota hai . To kiya tum mein se ek (jo waqayi gunah mein mubtala ho) ruju kare ga lekin in donon ne inkar kiya to Nabi Karim salla Allahu alaihi wasallam ne in mein judayi kar di . Aur byaan kiya ke mujh se Amr bin Dinar ne farmaya ke hadees ke baaz ajza mera khayal hai ke main ne abhi tum se byaan nahi kiye hain . Farmaya ke in sahab ne (jinon ne liaan kiya tha) kaha ke meere maal ka kiya ho ga (jo main ne mahr mein diya tha) byaan kiya ke is par in se kaha gaya ke woh maal (jo aurat ko mahr mein diya tha) ab tumhara nahi raha . Agar tum sache ho (is tohmat lagaane mein tab bhi kyunke) tum is aurat ke paas tanhayi mein ja chuke ho aur agar tum jhoote ho tab to tum ko aur bhi mahr na milna chahiye .