Hum se Ubayd bin Ismail ne byaan kiya, kaha hum se Abu Usamah ne byaan kiya, un se Hisham ne, un se un ke walid ne aur un se Aisha razi Allahu anha ne byaan kiya ke Rasool Allah salla Allahu alaihi wasallam ne mujh se farmaya ke main khoob pehchanta hoon ke kab tum mujh se khush hoti ho aur kab tum mujh par naraz ho jaati ho. Byaan kiya ke is par main ne arz kiya Aap yeh baat kis tarah samajhte hain? Aap salla Allahu alaihi wasallam ne farmaya ke jab tum mujh se khush hoti ho to kehti ho nahi Muhammad (salla Allahu alaihi wasallam) ke Rabb ki qasam! Aur jab tum mujh se naraz hoti ho to kehti ho nahi Ibrahim alaihissalam ke Rabb ki qasam! Byaan kiya ke main ne arz kiya ji haan, Allah ki qasam ya Rasool Allah! (ghusse mein) sirf Aap ka naam zaban se nahi leti.