Kabb razi Allahu anhu ne bayan kiya ke jab woh Nabi Karim salla Allahu alaihi wasallam ke saath (Ghazwa e Tabook mein) shareek nahi huay thay to Nabi Karim salla Allahu alaihi wasallam ne hamase baat-cheet karne se Musalmanon ko rok diya tha aur Aap ne pachaas din ka tazkira kiya.

Hum se Muhammad bin Salam ne bayan kiya, kaha hum ko Abdah bin Sulayman ne khabar di, unhein Hisham bin Urwah ne, unhein in ke walid ne aur in se Aisha razi Allahu anha ne bayan kiya ke Rasool Allah salla Allahu alaihi wasallam ne farmaya ”main tumhari narazgi aur khushi ko khoob pehchanta hoon.“ Umm al-Momineen ne bayan kiya ke main ne arz kiya: ya Rasool Allah! Aap kis tarah se pehchante hain? Farmaya ke jab tum khush hoti ho kehti ho, haan Muhammad ke Rabb ki qasam! Aur jab naraz hoti ho to kehti ho nahi, Ibrahim ke Rabb ki qasam! Bayan kiya ke main ne arz kiya: ji haan, Aap ka farmana bilkul sahih hai main sirf Aap ka naam lena chhorrti hoon.