Hum se Ali bin Abdullah Madini ne byaan kiya, kaha hum se Ismail bin Aliyyah ne, un se Humayd ne, un se Anas ne byaan kiya ke Nabi Karim salla Allahu alaihi wasallam apni ek zauja (Aisha razi Allahu anha) ke yahan tashreef rakhte thay. Is waqt ek zauja (Zaynub bint Jahsh razi Allahu anha) ne Nabi Karim salla Allahu alaihi wasallam ke liye ek piyale mein kuch khane ki cheez bheji jin ke ghar mein Nabi Karim salla Allahu alaihi wasallam is waqt tashreef rakhte thay. Unhon ne khadim ke hath par (ghusse mein) maara jis ki wajah se katora gir kar toot gaya. Phir Nabi Karim salla Allahu alaihi wasallam ne katora le kar tukre jama kiye aur jo khana is bartan mein tha usay bhi jama karne lage aur (khadim se) farmaya ke tumhari maan ko ghairat aa gayi hai. Is ke baad khadim ko roke rakkha. Aakhir jin ke ghar mein woh katora toota tha un ki taraf se naya katora mangaya gaya aur Nabi Karim salla Allahu alaihi wasallam ne woh naya katora in zauja mutahhara ko wapas kiya jin ka katora torr diya gaya tha aur toota hua katora un ke yahan rakh liya jin ke ghar mein woh toota tha۔