Hum se Musaddad ne bayan kiya, kaha hum se Yahya Bin Saeed Qattan ne bayan kiya, un se Humaid ne aur un se Anas (Radi Allahu Anhu) ne ke Nabi Kareem (Sallallahu Alaihi Wasallam) Azwaj-e-Mutahiraat mein se kisi ek ke yahan tashreef rakhte thay. Ummahat-ul-Momineen mein se ek ne wahin Aap (Sallallahu Alaihi Wasallam) ke liye khadim ke hath ek piyale mein kuch khane ki cheez bhijwayi. Unhon ne ek hath is piyale par mara, aur piyala (gir kar) toot gaya. Aap (Sallallahu Alaihi Wasallam) ne piyale ko jora aur jo khane ki cheez thi us mein dubara rakh kar Sahaba se farmaya ke khao. Aap (Sallallahu Alaihi Wasallam) ne piyala lane wale (khadim) ko rok liya aur piyala bhi nahi bheja. Balkay jab (khane se) sab farigh ho gaye to doosra accha piyala bhijwa diya aur jo toot gaya tha use nahi bhijwaya. Ibn Abi Maryam ne bayan kiya ke hamein Yahya Bin Ayub ne khabar di, un se Humaid ne bayan kiya, un se Anas (Radi Allahu Anhu) ne bayan kiya aur un se Nabi Kareem (Sallallahu Alaihi Wasallam) ne
.