Aur Umar razi Allahu anhu ne byaan kiya ke Nabi Karim salla Allahu alaihi wasallam ne Hafsa razi Allahu anha ka paigham e nikah meere paas bheja aur main ne in ka nikah Nabi Karim salla Allahu alaihi wasallam se kar diya .

Hum se Mualla bin Asad ne byaan kiya , kaha hum se Wahb ne byaan kiya , un se Hisham bin Urwah ne , un se un ke walid ne aur un se Aisha razi Allahu anha ne ke Nabi Karim salla Allahu alaihi wasallam ne in se nikah kiya to in ki umr chhay saal thi aur jab in se sohbat ki to in ki umr nau saal thi . Hisham bin Urwah ne kaha ke mujhe khabar di gayi hai ke woh Nabi Karim salla Allahu alaihi wasallam ke saath nau saal tak rahein .