Hum se Ahmad bin Amr ne byaan kiya , kaha ke mujh se mere walid Hafs bin Abdullah ne byaan kiya , kaha ke mujh se Ibrahim bin Tahman ne byaan kiya , in se Yunus ne , un se Hasan Basri ne aayat «fala tazuloohunna» ki tafseer mein byaan kiya ke mujh se Maqal bin Yasar razi Allahu anhu ne byaan kiya ke yeh aayat mere hi baare mein nazil hui ku main ne apni ek behen ka nikah ek shakhs se kar diya thu . Us ne usay talaq de di lekin jab iddat poori hui to woh shakhs (Abu al-Baddah) meri behen se phir nikah ka paigham le kar aaya . Main ne is se kaha ke main ne tum se is ka (apni behen) ka nikah kiya usay tumhari biwi banaya aur tumhein izzat di lekin tum ne usay talaq dedi aur ab phir tum nikah ka paigham le kar aaye ho . Hargiz nahi , Allah ki qasam! Ab main tumhein kabhi usay nahi doon ga . Woh shakhs Abu al-Baddah kuch bura aadmi na thu aur aurat bhi is ke yahan wapas jaana chahti ku is liye Allah Ta'ala ne yeh aayat nazil ki «fala tazuloohunna» ke ”tum auraton ko mat roko“ main ne arz kiya ke ya Rasool Allah! Ab main kar doon ga . Byaan kiya ke phir unhon ne apni behen ka nikah is shakhs se kar diya .