Kyunke Allah Ta'ala (Surah al-Baqarah) mein irshad farmata hai «fala tazuloohunna» ”jab tum auraton ko talaq do phir woh apni iddat poori kar lein to auraton ke awliya tum ko in ka rok rakhna durust nahi .“ Is mein sayyiba aur bakira sab qism ki auratein aa gayin aur Allah Ta'ala ne isi surat mein farmaya «wa la tankihoo-l-mushrikeena hatta yu'minoo» ”auraton ke awliya , tum auraton ka nikah mushrik mardon se na karo“ aur Surah an-Noor mein farmaya «wa ankihoo-l-ayaama minkum» ”jo auratein khawand nahi rakhtien in ka nikah kar do .“

Hum se Yahya bin Sulayman ne byaan kiya , kaha hum se Abdullah bin Wahb ne byaan kiya , un se Yunus ne (doosri sanad) Imam Bukhari rahmahullah ne kaha hum se Ahmad bin Salih ne byaan kiya , kaha hum se Anbasah bin Khalid ne byaan kiya , kaha hum se Yunus ne byaan kiya , in se Ibn Shihab ne , kaha ke mujhe Urwah bin Zubayr ne khabar di aur unhein Nabi Karim salla Allahu alaihi wasallam ki zauja mutahhara Aisha razi Allahu anha ne khabar di ke zamana e jahiliyat mein nikah char tarah hote thay . Ek surat to yahi ku jaise aaj kal log karte hain , ek shakhs doosre shakhs ke paas is ki zer e parwarish larki ya is ki beti ke nikah ka paigham bhejta aur is ka mahr de kar is se nikah kar leta . Doosra nikah yeh thu ke koi shohar apni biwi se jab woh haiz se paak ho jati to kehta tu falan shakhs ke paas chali ja aur is se munh kala kara le is muddat mein shohar is se juda rehta aur usay chhoota bhi nahi . Phir jab is ghair mard se is ka hamal zahir ho jata jis se woh aarzi taur par sohbat karti rehti , to hamal ke zahir hone के baad is ka shohar agar chahta to is se sohbat karta . Aaisa is liye karte thay taake un ka larka shareef aur umdah paida ho . Yeh nikah ”Istibzaa“ kahlata tha . Teesri qism nikah ki yeh thi ke chand aadmi jo tadaad mein das se kam hote kisi ek aurat ke paas aana jaana rakhte aur is se sohbat karte . Phir jab woh aurat hamila hoti aur bacha janti to waza hamal par chand din guzarne के baad woh aurat apne in tamam mardon ko bulati . Is mauqa par in mein se koi shakhs inkar nahi kar sakta tha . Chunanche woh sab is aurat ke paas jama ho jate aur woh in se kehti ke jo tumhara muamla tha woh tumhein maloom hai aur ab main ne yeh bacha jana hai . Phir woh kehti ke Ae falan! Yeh bacha tumhara hai . Woh jis ka chahti naam le deti aur woh larka isi ka samjha jata , woh shakhs is se inkar ki jurat nahi kar sakta tha . Chautha nikah is taur par tha ke bahut se log kisi aurat ke paas aaya jaya karte thay . Aurat apne paas kisi bhi aane wale ko rokti nahi thi . Yeh kasbiyaan hoti thien . Is tarah ki auratein apne darwazon par jhanday lagaye rehti thien jo nishani samjhe jate thay . Jo bhi chahta in ke paas jata . Is tarah ki aurat jab hamila hoti aur bacha janti to is ke paas aane jaane wale jama hote aur kisi qiyafa jaanne wale ko bulate aur bacha ka naak naqsha jis se milta julta hota is aurat ke is larke ko isi ke saath mansoob kar dete aur woh bacha isi ka beta kaha jata , is se koi inkar nahi karta tha . Phir jab Muhammad salla Allahu alaihi wasallam haq ke saath Rasool ho kar tashreef laye Aap ne jahiliyat ke tamam nikahon ko baatil qarar de diya sirf is nikah ko baqi rakkha jis ka aaj kal rawaj hai .