`Hum se Said bin Taleed ne bayan kiya, kaha ke mujhe Abdullah bin Wahb ne khabar di, kaha ke mujhe Jareer bin Hazim ne khabar di, unhein Ayub Sakhtiyani ne, unhein Muhammad bin Sireen ne aur un se Abu Hurairah Radi Allahu Anhu ne bayan kiya ke Nabi Kareem صلی اللہ علیہ وسلم ne farmaya. (Doosri sanad) Hum se Sulaiman bin Harb ne bayan kiya, un se Hammad bin Zaid ne, un se Ayub Sakhtiyani ne, un se Muhammad bin Sireen ne aur un se Abu Hurairah Radi Allahu Anhu ne ke Ibrahim Alaihis Salam ki zaban se teen martaba ke siwa kabhi deen mein jhoot baat nahi nikli. Ek martaba Aap ek zalim badshah ki hukumat se guzre Aap ke saath Aap ki biwi Sarah Alaihas Salam theen. Phir poora waqia bayan kiya (ke badshah ke samne) Aap ne Sarah Alaihas Salam ko apni behn (yaani deeni behn) kaha. Phir is badshah ne Sarah Alaihas Salam ko Aajar (Hajira) ko de diya. (Bibi Sarah Alaihas Salam ne Ibrahim Alaihis Salam se) kaha ke Allah Ta'ala ne kafir ke haath ko rook diya aur Aajar (Hajira) ko meri khidmat ke liye dilwa diya. Abu Hurairah Radi Allahu Anhu ne bayan kiya ke ay aasman ke pani ke beto! yaani ay Arab walo! yahi Hajira Alaihas Salam tumhari maan hain.