Hum se Abu al-Yaman ne bayan kiya , kaha hum se Shuayb ne bayan kiya , in se Abu al-Zinad ne , in se Aaraj ne aur in se Abu Hurairah razi Allahu anhu ne bayan kiya ke Rasool Allah salla Allahu alaihi wasallam ne farmaya ”Ibrahim alaihissalam ne Sarah alaihas-salaam ko saath le kar Hijrat ki to ek aaisi basti mein pahunche jis mein badshahon mein se ek badshah ya zhahalimon mein se ek zhahalim rehta tha is zhahalim ne Ibrahim alaihissalam ke paas yeh hukm bheija ke Sarah alaihas-salaam ko is ke paas bheijein Aap ne Sarah ko bheij diya woh zhahalim in ke paas aaya to woh (Sarah alaihas-salaam) wuzu kar ke namaz parh rahi thien unhon ne dua ki ke Ae Allah! Agar main tujh par aur tere Rasool par iman rakhti hoon to tu mujh par kafir ko na musal-lat kar phir aisa hua ke woh kam-bakht badshah achanaak kharaate lene aur gir kar paon hilane laga .