Aur Ibn Abbas razi Allahu anhuma ne kaha «aamilatun naasibatun» se Nasara murad hain . Mujahid ne ke «aynun aaniyatun» yani garmi ki had ko pahunch gaya is ke peene ka waqt aan pahuncha (Surah al-Rahman mein) «hameemun aanin» ka bhi yahi maani hai yani garmi ki had ko pahunch gaya . «la tasma'u feeha laaghi-yatan» wahan gaali galouch nahi sunayi de gi . «ad-dharee-u» ek bhaaji hai jise «shibriq» kehte hain Hijaz wale is ko «dharee-un» kehte hain jab woh sookh jati hai yeh zehar hai . «bi-musaitirin» (seen se) mutlaqan karwi baazon ne saad se parha hai «bi-musaittirin» . Ibn Abbas razi Allahu anhuma ne kaha «iyaabahum» un ka lautna . «aamilatun naasibah» se ahl e bai'at murad hain .

Mujahid ne kaha «watr-un» se murad Allah Ta'ala hai . «Irama zhaatil imaadi» se purani qaum e Aad murad hai . «imadun» ke maani khaima ke hain , yeh log khana-badosh thay . Jahan pani chara paate wahin khaima laga kar reh jate . «sauta azhaabin» ka maani yeh ke un ko azab diya gaya . «aklan lamman» sab cheez samait kar kha jana . «hubban jamman» bahut mohabbat rakhna . Mujahid ne kaha Allah ne jis cheez ko paida kiya woh ( «shaf-un») jora hai aasman bhi zameen ka jora hai aur «watr-un» sirf Allah Paak hi hai . Auron ne kaha «sauta azhaabin» yeh Arab ka ek muhawara hai jo har ek qism ke azab ko kehte hain min jumla un ke ek kore ka bhi azab hai . «labil-mirsaadi» yani Allah ki taraf sab ko phir jana hai . «la tahaad-doona» (alif ke saath jaise mashhoor qirat hai) muhafazat nahi karte ho baazon ne «muthad-doona» parha hai yani hukm nahi dete ho , «al-mutma'innatu» woh nafs jo Allah ke sawab par yaqeen rakhne wala ho , momin , kamil-ul-iman . Imam Hasan Basri ne kaha «nafsul mutma'innatu» woh nafs ke jab Allah is ko bulana chahe (maut aaye) to Allah ke paas chain naseeb ho , Allah is se khush ho , woh Allah se khush ho . Phir Allah is ki rooh qabz karne ka hukm de aur is ko bahisht mein le jaye , apne naik bandon mein shamil farma de . Auron ne kaha «jaaboo» ka maani kureed-kureed kar makan banana yeh «jaybun» se nikla hai jab is mein «jaybun» lagayi jaye , isi tarah Arab log kehte hain «fulaanun yajoobul falaata» woh jangal qata karta hai «lamman» Arab log kehte hain «lamamtuhu» jama mein is ke akheer tak pahunch gaya .

Mujahid ne kaha «bi-haazhal baladi» se Makkah murad hai . Matlab yeh hai ke khaas tere liye yeh shehar halal hua auron ko wahan larna gunah hai . «waalidin» se Adam , «wa ma walada» se un ki aulad murad hai . «lubadan» bahut saara . «an-najdayni» do raste bhale aur bure . «masghabatin» bhook . «matrabatin» mitti mein para rehna murad hai . «fala-qtahamal aqabata» yani is ne duniya mein ghaati nahi phaandi phir ghaati phaandne ko aage byaan kiya . «bi-radihi» ghulam aazad karna bhook aur takleef ke din bhookon ko khana khilana .

Mujahid ne kaha ke «bi-tgh-waaha» apne gunahon ki wajah se . «wa la yakhaafu uqbaaha» yani Allah ko kisi ka darr nahi ke koi is se badla le sake ga .

Hum se Musa bin Ismail ne byaan kiya , kaha hum se Wuhaib ne byaan kiya , hum se Hisham bin Urwah ne byaan kiya , un se un ke walid ne aur unhein Abdullah bin Zama'h razi Allahu anhu ne khabar di ke unhon ne Rasool Allah salla Allahu alaihi wasallam se suna , Nabi Karim salla Allahu alaihi wasallam ne apne ek khutba mein Salih alaihissalam ki oontni ka zikr farmaya aur is shakhs ka bhi zikr farmaya jis ne is ki koonchein kaat daali thien phir Aap salla Allahu alaihi wasallam ne irshad farmaya «izh-in-baasa ashqaaha» yani is oontni ko maar dalne ke liye ek mufsid bad-bakht (Qadar naami) ko apni qaum mein Abu Zama'h ki tarah ghalib aur taqatwar tha utha . Nabi Karim salla Allahu alaihi wasallam ne auraton ke huqooq ka bhi zikr farmaya ke tum mein baaz apni biwi ko ghulam ki tarah kore maarte hain haalan ke isi din ke khatam hone par woh is se hum-bistari bhi karte hain . Phir Aap ne unhein riyah kharij hone par hansne se mana farmaya aur farmaya ke ek kaam jo tum mein har shakhs karta hai isi par tum doosron par kis tarah hanste ho . Abu Muawiyah ne byaan kiya ke hum se Hisham bin Urwah bin Zubayr ne , un se Abdullah bin Zama'h ne byaan kiya ke Nabi Karim salla Allahu alaihi wasallam ne (is hadees mein) yun farmaya Abu Zama'h ki tarah jo Zubayr bin Awwam ka chacha tha .