Hum se Abdullah bin Yusuf ne byaan kiya , kaha hum se Layth bin Saad ne byaan kiya , kaha ke mujh se Yazid bin al-Haad ne byaan kiya , un se Abdur Rahman bin Qasim ne , un se un ke walid Qasim bin Muhammad ne aur un se Aisha razi Allahu anha ne byaan kiya ke Nabi Karim salla Allahu alaihi wasallam ki wafat hui to Aap meri hansli aur thori ke darmiyan (sar rakkhe huay) thay . Aap salla Allahu alaihi wasallam (ki shiddat e sakarat) dekhne ke baad ab main kisi ke liye bhi naza ki shiddat ko bura nahi samajhti .