Hum se Musaddad bin Musarhad ne byaan kiya , kaha hum se Yahya bin Sumayr Qattan ne byaan kiya , un se Shubah ne , un se Hakam bin Utbah ne , un se Musab bin Saad ne aur un se un ke walid ne ke Rasool Allah salla Allahu alaihi wasallam Ghazwa Tabook ke liye tashreef le gaye to Ali razi Allahu anhu ko Madinah mein apna naib banaya . Ali razi Allahu anhu ne arz kiya ke Aap mujhe bachon aur auraton mein chhore ja rahe hain ? Nabi Karim salla Allahu alaihi wasallam ne farmaya kya tum is par khush nahi ho ke mere liye tum aise ho jaise Musa ke liye Haroon thay . Lekin farq yeh hai ke mere baad koi Nabi nahi ho ga . Aur Abu Dawood Tayalisi ne is hadees ko yun byaan kiya ke hum se Shubah ne byaan kiya , un se Hakam bin Utbah ne aur unhon ne kaha main ne Musab se suna .