Mujh se Muhammad Bin Abdur Rahim ne bayan kiya ‘ kaha hum se Abu Umar Hafs Bin Umar Al-Hauzi ne bayan kiya ‘ kaha hum se Hammad Bin Zaid ne bayan kiya ‘ kaha hum se Ayub aur Hajjaj Sawaf ne bayan kiya ‘ kaha hum se Abu Qilaba ke Maula Abu Raja ne bayan kiya ‘ wo Abu Qilaba ke sath Sham mein thay ke khalifa Umar Bin Abdul Aziz ne ek den logon se mashwara kiya ke is ”qasama“ ke bare mein tumhari kya raye hai? Logon ne kaha ke ye haq hai. Is ka faisla Rasul Allah Sallallahu Alaihi Wasallam aur phir khulafa-e-rashideen Aap se pehle karte rahe hain. Abu Raja ne bayan kiya ke is waqt Abu Qilaba ‘ Umar Bin Abdul Aziz Rahimahullah ke takht ke peeche thay. Itne mein Anbasa Bin Saeed ne kaha ke phir qabila-e-Uraina ke logon ke bare mein Anas Radi Allahu Anhu ki hadees kahan gayi? Is par Abu Qilaba ne kaha ke Anas Radi Allahu Anhu ne khud mujh se ye bayan kiya. Abdul Aziz Bin Suhaib ne (apni riwayat mein) Anas Radi Allahu Anhu ke hawala se sirf Uraina ka naam liya aur Abu Qilaba ne apni riwayat mein Anas Radi Allahu Anhu ke hawale se sirf Ukal ka naam liya phir yahi qissa bayan kiya
.