Musa Bin Uqba ne kaha ke Ghazwa Khandaq Shawwal 4 Hijri mein hua tha
.

Hum se Yaqub Bin Ibrahim ne bayan kiya, kaha hum se Yahya Bin Saeed Qattan ne bayan kiya, un se Ubaidullah Umri ne, kaha ke mujhe Nafi ne khabar di aur unhein Ibn Umar (Radi Allahu Anhuma) ne ke Nabi Kareem Sallallahu Alaihi Wasallam ke samne apne aap ko unhon ne Ghazwa Uhud ke mauqe par pesh kiya (taake larne walon mein unhein bhi bharti kar liya jaye) is waqt wo chauda saal ke thay to Nabi Kareem Sallallahu Alaihi Wasallam ne unhein ijazaat nahi di. Lekin Ghazwa Khandaq ke mauqe par jab unhon ne Aap Sallallahu Alaihi Wasallam ke samne apne ko pesh kiya to Aap Sallallahu Alaihi Wasallam ne in ko manzoor farma liya. Is waqt wo pandrah saal ki umar ke thay
.