Hum se Ali Bin Abdullah Madini ne bayan kiya, kaha hum se Bishr Bin Mufazzal ne bayan kiya, kaha hum se Khalid Bin Zakwan, un se Rubai Bint Muawwaz Radi Allahu Anha ne bayan kiya ke jis raat meri shadi hui thi Nabi Kareem Sallallahu Alaihi Wasallam is ki subah ko mere yahan tashreef laye aur mere bistar par baithe, jaise ab tum yahan mere paas baithe hue ho. Chand bacchiyan duff baja rahi theen aur wo ashaar parh rahi theen jin mein in ke in khandan walon ka zikr tha jo Badr ki larai mein shaheed ho gaye thay. Unhein mein ek larki ne ye misra bhi parha ke hum mein Nabi Kareem Sallallahu Alaihi Wasallam hain jo kal hone wali baat ko jaante hain. Aap Sallallahu Alaihi Wasallam ne farmaya ke ye na parho, balkay jo pehle parh rahi theen wahi parho
.