Mujh se Muhammad Bin Sabah ne khud bayan kiya ya un se kisi aur ne naqal kar ke bayan kiya, kaha hum se Ismail Bin Alaiyyah ne, un se Aasim Ahwal ne, un se Abu Usman ne bayan kiya aur unhon ne kaha ke Ibn Umar Radi Allahu Anhuma se mein ne suna ke jab un se kaha jata ke tum ne apne walid se pehle hijrat ki to wo gussa ho jaya karte thay. Unhon ne bayan kiya ke mein Umar Radi Allahu Anhu ke sath Rasul Allah Sallallahu Alaihi Wasallam ki khidmat mein hazir hua, is waqt aap Sallallahu Alaihi Wasallam aaram farma rahe thay, is liye hum ghar wapas aa gaye phir Umar Radi Allahu Anhu ne mujhe aap ki khidmat mein bheja aur farmaya ke ja kar dekh ao Nabi Kareem Sallallahu Alaihi Wasallam abhi bیدار hue ya nahi chunanche mein aaya (Nabi Kareem Sallallahu Alaihi Wasallam bیدار ho chuke thay) is liye andar chala gaya aur aap Sallallahu Alaihi Wasallam ke hath par bai'at ki phir mein Umar Radi Allahu Anhu ke paas aaya aur aap ko Nabi Kareem Sallallahu Alaihi Wasallam ke bیدار hone ki khabar di. Is ke baad hum aap Sallallahu Alaihi Wasallam ki khidmat mein dourte hue hazir hue Umar Radi Allahu Anhu bhi andar gaye aur aap Sallallahu Alaihi Wasallam se bai'at ki aur mein ne bhi (dobara) bai'at ki
.