Hum se Abu al-Yaman ne bayan kiya, unhon ne kaha hum se Shuaib ne bayan kiya, un se Zuhri ne bayan kiya, unhon ne kaha ke mujhe Humaid bin Abdur Rahman bin Awf ne khabar di aur un se Abu Hurairah Radi Allahu Anhu ne bayan kiya ke mein ne Rasoolullah Sallallahu Alaihi Wa Sallam se suna, Aap Sallallahu Alaihi Wa Sallam ne farmaya ke jis ne Allah ke raste mein kisi cheez ka ek jora kharch kiya (maslan do rupaye, do kapre, do ghore Allah Ta'ala ke raste mein diye) to ise jannat ke darwazon se bulaya jayega ke Ae Allah ke bande! Idhar aa, yeh darwaza behtar hai pas jo shakhs namazi hoga ise namaz ke darwaze se bulaya jayega, jo shakhs mujahid hoga ise jihad ke darwaze se bulaya jayega, jo shakhs ahl-e-sadqa mein se hoga ise sadqa ke darwaza se bulaya jayega aur jo shakhs rozadar hoga ise siyam aur rayyan (seerabi) ke darwaze se bulaya jayega. Abu Bakr Radi Allahu Anhu ne arz kiya jis shakhs ko in tamam hi darwazon se bulaya jayega phir to ise kisi qism ka khouf baqi nahi rahega aur poocha kya koi shakhs aisa bhi hoga jise in tamam darwazon se bulaya jayega Ya Rasul Allah! Aap Sallallahu Alaihi Wa Sallam ne farmaya: Haan aur mujhe umeed hai ke tum bhi unhein mein se hoge Ae Abu Bakr!.