Hum se Mahmud Bin Ghaylan ne bayan kiya, kaha hum se Abu Usama ne bayan kiya, kaha hum se Hisham ne bayan kiya, kaha ke mujhe mere walid ne khabar di, un se Asma Bint Abi Bakr (Radi Allahu Anhuma) ne bayan kiya ke Nabi Kareem (Sallallahu Alaihi Wasallam) ne Zubair (Radi Allahu Anhu) ko jo zameen inayait farmayi thi, mein is mein se guthliyan (sookhi khajooran) apne sarr par laya karti thi. Wo jagah mere ghar se do meel farsakh ki do tihayi par thi. Abu Dhamra ne Hisham se bayan kiya aur unhon ne apne baap se (mursalan) bayan kiya ke Nabi Kareem (Sallallahu Alaihi Wasallam) ne Zubair (Radi Allahu Anhu) ko Bani Nadheer ki arazi mein se ek zameen qate-a ke taur par di thi
.