Maqbari ne Abu Hurairah (Radi Allahu Anhu) se is hadees ko naql kiya hai
.

Hum se Mahmud Bin Ghaylan ne bayan kiya, unhon ne kaha hum ko Abdur Razzaq ne khabar di, unhon ne kaha hum ko Ma'mar ne khabar di unhein Zuhri ne, unhein Ali Bin Husain ne, unhein Amr Bin Usman Bin Affan (Radi Allahu Anhu) ne aur un se Usama Bin Zaid (Radi Allahu Anhuma) ne bayan kiya ke mein ne Hajjat-ul-Wada ke mauqa par arz kiya, Ya Rasul Allah! Kal Aap (Makkah mein) kahan qayam farmayenge? Aap (Sallallahu Alaihi Wasallam) ne farmaya! Aqeel ne hamare liye koi ghar chhoda hi kab hai. Phir farmaya ke kal hamara qayam Haneef Bin Kinana ke maqam Muhassab mein hoga, jahan par Quraish ne kufr par qasam khayi thi. Waqiya ye hua tha ke Bani Kinana aur Quraish ne (yahin par) Bani Hashim ke khilaf is baat ki qasamein khayi theen ke na un se khareed-o-farokht ki jaye aur na unhein apne gharon mein aane dein. Zuhri ne kaha ke Khaif wadi ko kehte hain
.