Hum se Ismail Bin Abi Uwais ne bayan kiya, kaha ke mujh se Imam Malik ne bayan kiya, un se Zaid Bin Aslam ne, un se un ke walid ne ke Umar Bin Khattab (Radi Allahu Anhu) ne Hani nami apne ek ghulam ko (sarkari) charagah ka hakim banaya, to unhein ye hidayat ki, Ae Hani! Musalmanon se apne hath roke rakhna (un par zulm na karna) aur mazloom ki bad-dua se har waqt bachte rehna, kyunke mazloom ki dua qabool hoti hai. Aur haan Ibn Auf aur Ibn Affan aur un jaise (ameer Sahaba) ke maweshiyon ke bare mein tujhe darte rehna chahiye. (Yaani un ke ameer hone ki wajah se doosre ghareebon ke maweshiyon par charagah mein unhein muqaddam na rakhna) kyunke agar un ke maweshi halak bhi ho jayenge to ye rausa apne khajoor ke baghat aur khetan se apni maash hasil kar sakte hain. Lekin gane chune onton aur gani chuni bakriyon ka malik (ghareeb) ke agar us ke maweshi halak ho gaye, to wo apne bacchon ko le kar mere paas ayega, aur fariyad karega: Ya Ameer-ul-Momineen! Ya Ameer-ul-Momineen! To kya mein unhein chhod doon ga (yaani un ko paalna) tumhara baap na ho? Is liye (pehle hi se) un ke liye chare aur pani ka intezam kar dena mere liye is se zyada asan hai ke mein un ke liye sone chandi ka intezam karoon aur Allah ki qasam! Wo (Ahl-e-Madinah) ye samajhte honge ke mein ne un ke sath ziyati ki hai kyunke ye zameenein unhi ki hain. Unhon ne Jahiliyat ke zamane mein is ke liye ladaiyan ladi hain aur Islam lane ke baad bhi un ki milkiyat ko bahaal rakha gaya hai. Is zaat ki qasam! Jis ke hath mein meri jaan hai agar wo amwal (ghode waghera) na hote jin par Jihad mein logon ko sawar karta hoon to un ke ilaqon mein ek balisht zameen ko bhi mein charagah na banata
.