Hum se Abdullah Bin Yusuf ne bayan kiya, kaha ke mujh se Abdul Aziz Bin Abi Salama ne bayan kiya, in se Salih Bin Kaisan ne, in se Salim Bin Abdullah ne aur in se Abdullah Bin Umar (Radi Allahu Anhuma) ne bayan kiya ke jab Nabi Kareem (Sallallahu Alaihi Wasallam) hajj ya umrah se wapas hote jahan tak mein samajhta hoon yun kaha jab Aap (Sallallahu Alaihi Wasallam) jihad se laut-te, to jab bhi Aap kisi bulandi par charhte ya (nisheb se) kankrile maidan mein aate to teen martaba «allh akbr» kehte. Phir farmate «la ilh ila allh , whdh la shryk lh , lh almlk , wlh alhmd , whw ely kl shy qdyr , aybwn taybwn eabdwn sajdwn lrbna hamdwn , sdq allh wedh , wnsr ebdh , whzm alahzab whdh .» "Allah ke siwa aur koi mabood nahi wo ek hai. Is ka koi shareek nahi. Mulk is ka hai aur tamam tareefein isi ke liye hain aur wo har kaam par qudrat rakhta hai. Hum wapas ho rahe hain tauba karte hue, ibadat karte hue. Apne Rab ki bargah mein sajda-raiz hote aur is ki hamd parhte hue, Allah ne apna wada sach kar dikhaya aur apne bande ki madad ki aur tanha (kuffar ki) tamam jamaaton ko shikast de di." Salih ne kaha ke mein ne Salim Bin Abdullah se poocha kya Abdullah Bin Umar (Radi Allahu Anhuma) ne lafz «aybwn» ke baad «in shae allh» nahi kaha tha to unhon ne bataya ke nahi
.