Hum se Qutaibah Bin Saeed ne bayan kiya ' kaha ke hum se Muhammad Bin Abdullah Ansari ne bayan kiya ' un se Ibn Awn ne ' kaha ke mujhe Nafi ne khabar di ' unhein Ibn Umar (Radi Allahu Anhuma) ne ke Umar Bin Khattab (Radi Allahu Anhu) ko Khaibar mein ek qita zameen mili to aap Rasul Allah (Sallallahu Alaihi Wasallam) ki khidmat mein mashwarah ke liye hazir hue aur arz kiya ya Rasul Allah! Mujhe Khaibar mein ek zameen ka tukra mila hai is se behtar maal mujhe ab tak kabhi nahi mila tha ' aap is ke mutaliq kya hukm farmate hain? Aap (Sallallahu Alaihi Wasallam) ne farmaya ke agar jee chahe to asal zameen apne milkiyat mein baqi rakh aur paidawar sadqa kar de. Ibn Umar (Radi Allahu Anhuma) ne bayan kiya ke phir Umar (Radi Allahu Anhu) ne us ko is shart ke sath sadqa kar kiya ke na ise becha jayega na is ka hiba kiya jayega aur na is mein wirasat chale gi. Ise aap ne muhtajon ke liye ' rishtedaron ke liye aur ghulam azad karane ke liye ' Allah ke deen ki tableegh aur isha'at ke liye aur mehmanon ke liye sadqa (waqf) kar diya aur ye ke is ka mutawalli agar dastoor ke mutabiq is mein se apni zaroorat ke mutabiq wasool kar le ya kisi muhtaj ko de to us par koi ilzam nahi. Ibn Awn ne bayan kiya ke jab mein ne is hadees ka zikr Ibn Sireen se kiya to unhon ne farmaya ke (mutawalli) is mein se maal jama karne ka irada na rakhta ho
.