Hum se Musaddad Bin Musarhad ne bayan kiya ' kaha hum se Yazid Bin Zuray ne bayan kiya ' kaha hum se Abdullah Bin Awn (Radi Allahu Anhu) ne bayan kiya un se Nafi ne aur un se Abdullah Bin Umar (Radi Allahu Anhuma) ne bayan kiya ke Umar (Radi Allahu Anhu) ko Khaibar mein ek zameen mili (jis ka naam Samgh tha) to aap Nabi Kareem (Sallallahu Alaihi Wasallam) ki khidmat mein hazir hue aur arz kiya ke mujhe ek zameen mili hai aur is se umdah maal mujhe kabhi nahi mila tha ' aap is ke baare mein mujhe kya mashwarah dete hain? Aap (Sallallahu Alaihi Wasallam) ne farmaya ke agar chahe to asal jaidad apne qabze mein rok rakh aur is ke manafa ko khairat kar de. Chunancha Umar (Radi Allahu Anhu) ne ise is shart ke sath sadqa (waqf) kiya ke asal zameen na bechi jaye, na hiba ki jaye aur na wirasat mein kisi ko mile aur fuqara, rishtedar, ghulam azad karane ' Allah ke raste (ke mujahidon) mehmanon aur musafiron ke liye (waqf hai) jo shakhs bhi is ka mutawalli ho agar dastoor ke mutabiq is mein se khaye ya apne kisi dost ko khilaye to koi mazaqa nahi bashart-e-ke maal jama karne ka irada na ho
.