Jo maamlat umooman logon mein raaij hain aur agar koi yun kahe ke mujh par falan ke so dirham nikalte hain magar ek ya do aur Ibn Awn ne Ibn Sireen se naqal kiya ke kisi ne oont wale se kaha tu apne oont andar la kar baandh de agar mein tumhare sath falan din tak na ja saka to tum so dirham mujh se wasool kar lena. Phir wo us din tak na ja saka to Qazi Shuraih Rahimahullah ne kaha ke jis ne apni khushi se apne upar koi shart lagayi aur us par koi jabr bhi nahi kiya gaya tha to wo shart us ko poori karni hogi. Ayub ne Ibn Sireen Rahimahullah se naqal kiya ke kisi shakhs ne ghalla becha aur khareedar ne kaha ke agar tumhare paas budh ke din tak na aa saka to mere aur tumhare darmiyan bai' baqi nahi rahegi. Phir wo us din tak nahi aya to Shuraih Rahimahullah ne khareedar se kaha ke tu ne waada khilafi ki hai aap ne faisla us ke khilaf kiya
.

Hum se Abul Yaman ne bayan kiya ' kaha ke hum ko Shuaib ne khabar di ' un se Abul Zinad ne bayan kiya ' un se Aaraj ne aur un se Abu Hurairah (Radi Allahu Anhu) ne ke Rasul Allah (Sallallahu Alaihi Wasallam) ne farmaya "Allah Ta'ala ke ninnanway naam hain yaani ek kam so. Jo shakhs in sab ko mehfooz rakkhega wo jannat mein dakhil hoga."
.