Hum se Muhammad Bin Kaseer ne bayan kiya, kaha hum ko Sufyan ne khabar di, unhein Ash'as Bin Abu Shasha ne, unhein un ke walid ne, unhein Masrooq ne aur un se Aisha (Radi Allahu Anha) ne bayan kiya ke Nabi Kareem (Sallallahu Alaihi Wasallam) (ghar mein) tashreef laye to mere yahan ek sahab (un ke razayi bhai) baithe hue thay. Aap (Sallallahu Alaihi Wasallam) ne daryaft farmaya, Aisha! ye kaun hai? Mein ne arz kiya ke ye mera razayi bhai hai. Aap (Sallallahu Alaihi Wasallam) ne farmaya Aisha! zara dekh bhaal kar lo, kaun tumhara razayi bhai hai. Kyunke raza'at wahi motabar hai jo kam-sini mein ho. Muhammad Bin Kaseer ke sath is hadees ko Abdur Rahman Bin Mahdi ne Sufyan Sawri se Riwayat kiya hai
.