Aur Hammam ne Abu Hurairah (Radi Allahu Anhu) se aur unhon ne Nabi Kareem (Sallallahu Alaihi Wasallam) ke hawala se bayan kiya ke raste se kisi takleef-dah cheez ko hata dena bhi sadaqah hai
.

Hum se Abdullah Bin Muhammad ne bayan kiya, unhon ne kaha hum se Ibn Uyainah ne bayan kiya, unhon ne kaha ke hum se Zuhri ne bayan kiya, un se Urwah ne bayan kiya, un se Usama Bin Zaid (Radi Allahu Anhuma) ne bayan kiya, ke Nabi Kareem (Sallallahu Alaihi Wasallam) Madinah ke ek buland makan par charhe. Phir farmaya, kya tum log bhi dekh rahe ho jo mein dekh raha hoon ke (an-qareeb) tumhare gharon mein fitne is tarah baras rahe honge jaise barish barasti hai
.