Hum se Abu Nu'aim ne bayan kiya, un se Sufyan bin Uyainah ne bayan kiya, un se Zuhri ne, un se Urwah bin Zubair ne aur un se Usama bin Zaid Radi Allahu Anhuma ne bayan kiya ke Nabi Kareem Sallallahu Alaihi Wa Sallam ek martaba Madinah ke ek buland teela par charhe aur farmaya "Jo kuch mein dekh raha hun kya tumhein bhi nazar aa raha hai? Mein fitnon ko dekh raha hun ke tumhare gharon mein woh is tarah gir rahe hain jaise barish ki boondein gira kartin hain."