Hum se Ali Bin Abdullah Madini ne bayan kiya, kaha hum se Sufyan Bin Uyainah ne bayan kiya, un se Ibn Shihab Zuhri ne, kaha ke mujhe Urwah ne khabar di aur unhon ne Usama Bin Zaid (Radi Allahu Anhuma) se suna ke Nabi Kareem (Sallallahu Alaihi Wasallam) Madinah ke mahallaat mein se ek mahal yani oonche makan par charhe phir farmaya ke jo kuch mein dekh raha hoon kya tumhein nazar aa raha hai ? Mein boondon ke girne ki jagah ki tarah tumhare gharon par fitnon ke nazil hone ki jagahon ko dekh raha hoon. Is riwayat ki mutabi’at Ma'mar aur Sulaiman Bin Kathir ne Zuhri ke wasta se ki hai
.